{ SKIP }
文:MenClub 魏文青  
POSTED ON 09 May 2017
有睇過《龍珠》都知每次許完願都要等一年先可以再召喚神龍,但現實生活中呢?係呀,現實生活中都有神龍,仲要等兩年先見到一次——講緊嘅係S.H.Figuarts即將會出嘅神龍模型,自2015年喺東京展會上公佈咗之後,整整兩年都冇任何消息,但到啱啱嘅《TAMASHII NATIONS 十週年世界巡迴展紐約站》就突然再現,仲公佈埋售價同開售日期添!


就外國網站報導,呢條神龍會於今年10月發售,售價係9000Yen(約616HKD)左右。而同其他神龍模型最唔同嘅係佢個身用上一節節嘅長型結構,感覺上有啲似我哋細個玩嗰啲玩具蛇。好處就係終於有一條啱比例嘅神龍,唔好處就係擺甫士難度大增,就算睇返2015年嘅圖片,都要用大量支架撐住先擺到一個盤旋嘅姿勢。


目前官網就未有更新,亦唔知隨龍會唔會送龍珠,想買就要留意返「魂」嘅情報啦。
圖片:Amiami.jp


Bella Ramsey呼籲HBO真人版《The Last of Us》嘅Haters,如果真係咁唔鍾意套劇,就唔使勉強睇第三季,原著遊戲仲喺度,大家可以返去再玩一次。
hobby
【影視】Bella Ramsey回應《最後生還者》第二季爭議:討厭的話不必看第三季,可以回去玩遊戲
29 Aug 2025
曾執導《哈利波特》首兩部電影嘅Chris Columbus表示,當佢睇到HBO重啟劇集版嘅片場照,發現新版海格造型幾乎同電影版一模一樣時,心裡不禁質疑:「咁樣重拍有咩意義?」 ... ... ... ...
hobby
【影視】《哈利波特》原導演驚訝新海格造型毫無變化:這樣重拍有什麼意義?
29 Aug 2025