【來港獻技】英超最強射手 - 哈尼卡尼

文：MenClub Mr.波特　　圖：互聯網
POSTED ON 24 May 2017


今年英超聯賽喺較早前已經完結，其中熱刺壓倒像曼聯、曼城、阿仙奴等豪門，高據聯賽榜第2位，而佢地今季能夠取得咁好嘅成績，好大程度上都靠前鋒哈利卡尼。

卡尼呢位只有23歲嘅英格蘭射手，全季英超入左29球，壓倒一眾射手連績第二年成為聯賽神射手，其中今季更比上季多入左4球，入球能力絕對無容置疑。

能夠喺全世界最激烈嘅足球聯賽成為神射手，卡尼當然擁有優質前鋒嘅所有特質、佢門前搶點一流、把握力強、有頭搥、有遠射、能夠左右開弓，真係無咩特別嘅決點，唯一欠缺嘅可能就係佢只有23歲，喺歐洲賽嘅經驗不足。

不過無論如何，卡尼都已經晉身成為世界級前鋒，而今次各位香港嘅球迷有眼福啦，因為卡尼將會隨熱刺大軍參加喺黎緊5月26日舉行嘅「賽馬會傑志中心挑戰盃 - 傑志對熱刺」，屆時作為隊中核心嘅佢亦會上陣，實在喺球迷之福。

能夠同今屆英超亞軍比賽，相信傑志都會喺其中學到唔少野。而究竟傑志有無辦法可以mark實卡尼呢位英超神射手呢？大家真係要留意比賽啦！

而除左卡尼，今次來港嘅熱刺球星仲包括：孫興民、迪利阿里、艾歷臣、迪比利、基爾獲加、洛里斯等等，差唔多已經係Full Team上陣啦。