【轉會傳聞】祖雲達斯有意搶簽巴塞中場大腦恩尼斯達！

文：MenClub Mr.波特　　圖：互聯網
POSTED ON 25 May 2017


祖雲達斯今季繼績打出好表現，除了已經喺意大利國內奪得聯賽及盃賽兩項錦標，佢地亦已經成功殺入歐聯決賽，將會與西甲冠軍皇馬爭奪這個歐洲球會最高殊榮！

不過另一邊廂，祖記亦已經開始為下季做準備，有消息指他們對巴塞隆拿西班牙中場恩尼斯達好有興趣，希望將呢位巴塞青訓代表帶到意甲，以增強球隊中前場嘅深度。

祖記今次有意簽下恩尼斯達，係因為佢地食過番尋味，上季佢地就從巴塞成功簽走邊後衛丹尼爾艾維斯，而呢位巴西兵今季喺祖記踢得非常好，所以佢地再一次想喺巴塞身上挖人。

今年夏天，現年33歲嘅恩尼斯達同巴塞嘅合同就會到期，但目前為止佢同巴塞都仲未完成續約，所以夏天嘅時候真係咩都有可能發生，再加上艾維斯作媒人嘅話，恩尼斯達離隊他投也是有可能的。

雖然作為球隊中前場核心多年，但係恩尼斯達今季卻陷入掙扎，這其中主要是因為年齡問題，以及陣容、戰術上的革新，再加上艾維斯今季嘅成功，這絕對成為一個缺口去讓祖記介入其中。

不過，恩尼斯達一直都希望可以喺巴塞終老，所以祖記最多就只係佢嘅第二選擇，只要巴塞為佢開出新合同，相信佢都會義無反顧咁續約。

如果恩尼斯達最終真係加盟祖記，咁佢就要同一班後生仔爭中場嘅正選位置，當然絕對擁有正選嘅實力，但係祖記一場都真係幾人才濟濟，其中包括：比真歷、史杜拿路、利文拿、戴巴拿、馬治斯奧、古亞達度等等。所以，對於恩尼斯達黎講，加入祖記唔代表佢就可以無後顧之憂，佢一定要保持狀態先可以繼績踢到正選。