編號為「GX-13」嘅斷空我已經係2003年推出嘅產品，當年以四機三段全變形、合體，號稱玩具機械人史上嘅究極合體作品，亦因為咁而深受玩具迷喜愛，加上自此之後超合金魂就冇再出過《超獸機神》嘅產品，所以成為最想再販嘅頭五位都好合理。咁今次再販版(編號GX-13R)當然唔係就咁賣咁冇誠意，起碼都有重新上色，所有獸戰機以及背後嘅飛翼都有小改動，不過最重要嘅係多咗個頭。

原版中個頭真係以鷹戰機變形而成，但比例上就略有參差，所以今次就送多個啱比例(非變形)頭部，是為「舊身新頭」也。