KyberLight光劍有兩個主要特點。第一，買家可以高度客製化。KyberLight光劍最主要嘅部份係光劍劍刃(發光嘅部份)，劍刃之下本身就連有一個簡單嘅柄，而你就可以選擇唔同嘅護手、劍柄、劍尾等零件再裝上去，加上劍身可以發出20種唔同顏色嘅光，輕輕鬆鬆就可以砌出屬於你自己嘅光劍。

第二個賣點就係佢真係可以用黎劈。廠方聲稱膠製嘅劍身基本上係「不可破壞」，但就算你真係整爛咗，佢都會提供終身保用(只限劍身)，你寄去畀佢，佢幫你裝個新劍身，再包郵費寄返畀你，而且講到明就算係格劍格爛都包！咁你就可以放心斬斬劈啦！