【回歸鐵籠】McGregor今年12月底再度開戰！

文：MenClub 波特先生　　圖：互聯網
POSTED ON 26 Sep 2017

今年8月同Mayweather跨界別進行左「世紀之戰」嘅McGregor人氣急升，連同身價亦大幅上漲，同時唔少選手亦都希望可以同呢位「囂王」一較高下。而最新嘅消息指，McGregor已經非常接近簽下最新比賽嘅合同，預計賽事將會喺今年12月底舉行，大家好快又可以見到呢位霸氣十足嘅選手踏上擂台！

McGregor今次將會對戰的選手係Nate Diaz，呢位選手同McGregor一樣都係UFC嘅選手，雙方曾兩次進行對戰，各自取得1勝1負嘅戰績，因此可以預計雙方嘅比賽應該非常接近。

本來，McGregor已經成為UFC嘅台柱選手，每逢佢嘅比賽都可以吸引數以萬計嘅觀眾入場。而自從同Mayweather上演左「世紀之戰」後，呢位愛爾蘭拳手除左獲得巨額報酬之外，亦都增加左唔少人氣，所以當佢回歸UFC賽事之後，相信會令呢個賽事變得更加吸引！

消息指，McGregor同Diaz嘅賽事預計會喺12月30日舉行，賽事地點則會繼「世紀之戰」後再一次喺拉斯維加斯。

不過，McGregor自從去年11月同Eddie Alvarez打完成為雙料世界冠軍之後，就將再參加UFC嘅賽事，至今已經相隔10個月，而到12月30日的比賽日，McGregor將會超過1年無參加UFC賽事，究竟佢仲可唔可以展現出自己強大嘅格鬥技術呢？

而今次McGregor嘅對手Diaz，現年32歲，生涯曾參加30場賽事，戰績為19勝11負。睇番Diaz嘅比賽情況，原來佢自從去年8月輸左比McGregor後，就再無參加比賽，咁樣佢缺少比賽嘅情況相比McGregro將更長，實在令人擔心。