上季奪得兩項主要錦標嘅皇馬今季季初有啲脫腳，目前喺西甲7戰過後已經落後第1位嘅巴塞多達7分，其中喺C朗拿度停賽期間，被寄予厚望嘅巴利並無發揮應有嘅表現，而更令人失望嘅係佢再一次受傷，當日以為可以成為美斯同C朗之後嘅超級巨星，但今日睇黎佢已經難以再突破。而最新嘅消息更指，皇馬方面已經對巴利失去耐性，佢地已經為到巴利嘅離隊開綠燈，佢嘅下一站好大機會係英超嘅曼聯。