【支持香港運動員】香港傑出運動員選舉正式接受投票！

文：MenClub 波特先生　　圖：互聯網
POSTED ON 25 Jan 2018


一年一度嘅香港傑出運動員選舉即日起接受香港市民投票，一眾香港嘅運動員非常需要你嘅支持，即刻投下你神聖嘅一票支持佢地過去一年為我地嘅付出啦！

今年傑出運動員選舉將有4個投票項目比市民進行投票，其中包括香港傑出運動員、香港傑出青少年運動員、香港最佳運動隊伍及香港最佳運動組合，而另外亦有兩個獎項不設公眾投票的，分別係香港最具潛質運動員及香港最具體育精神運動員。

而今年有份被提名香港傑出運動員嘅有多位目前嘅香港體壇紅人，其中包括「跳高女神」楊文蔚、港羽毛球「一哥」伍家朗、「四眼Cue后」吳安儀、「牛下女車神」李慧詩、港乒乓球「一哥」黃鎮廷、「劍神」張家朗等等，而其中楊文蔚更加係首次被提名的。

值得一提嘅係，每位成功投票嘅人士均可自動參加幸運大抽獎，有機會贏取Samsung及Fitness First香港嘅產品，總值超過港幣70,000元！


香港傑出運動員選舉投票日期：即日起至2月14日頒獎典禮：2018年3月27日投票網址：按此