如果你有睇世界盃開幕禮，相信你都有覺得很有俄羅斯特色，唯獨其中一幕可能將你嚇倒，就係英國歌手Robbie Williams在獻唱期間突然喺鏡頭前舉起中指，要知道當時呢個鏡頭係轉播到世界各地極多國家，所以回響都非常大。

而如今世界盃已經完成左首輪賽事，主人翁Williams亦正式對自己嘅行為作出回應，表示重點係當時佢正面臨巨大壓力，佢希望嘅只係唔好發生任何引起國際笑話嘅事。

Williams表示，由於當時比賽仲有1分鐘就開波，所以佢感受到巨大嘅壓力，而由於當刻已經沒有任何計劃，所以佢亦唔知自己未來半分鐘會做什麼，能夠做嘅就係盡量唱歌唔好走音。可惜嘅係，Williams突然就喺鏡頭前舉起中指，對於自己做出呢個行為佢亦唔能夠理解。

Williams再解釋指自己當時雖然好大壓力，但已經很好咁完成大部份嘅工作，佢認為自己即將可以離開所以開始放鬆所以腦袋空白，最終卻失去理智做出震驚全世界嘅行為。而佢亦指當時自己完全無為意，直到5分鐘後佢先問自己究竟做左啲乜。

對於自己呢個行為，Williams最擔心嘅並唔係自己，而係佢老婆，因為佢擔心唔同渠道都會有人出黎攻擊佢嘅家人，呢一點係佢不能接受的。

又或者佢真正擔心嘅係因為俄羅斯總統普京一直望住掛！