《刀劍神域外傳Gun Gale Online》係時雨澤惠一所撰嘅《刀劍神域》系列外傳小說，於2018年4月開始播放動畫。故事講述主角蓮係喺鎗與鋼鐵的世界《Gun Gale Online》一個人盡情遊玩嘅女性玩家，佢最喜歡可愛嘅事物，全身嘅裝備通通都係粉紅色，又喺遊戲裏務實咁鍛鍊同成長，累積咗強大嘅實力。後來因為遇到某件事讓蓮發現狩獵玩家嘅樂趣，終於被別人稱為「粉紅色的惡魔」。之後蓮遇到漂亮又神祕嘅玩家Pitohui，兩人意氣相投，佢喺Pitohui嘅建議下，參加組隊混戰嘅活動「特攻強襲」。

有睇《刀劍神域外傳》嘅巴打對蓮心愛嘅P醬絕對唔會感到陌生，雖然P醬呢個名得得意意，但其實係一把「FN P90」衝鋒槍，佢輕身又細小，而且容易瞄準，後座力低，可以提高命中率，結構簡單，而且仲可以隨時進行保養，絕對係蓮嘅愛槍。而日本一間氣槍公司MARUI就公佈，即將會幫P醬實體化。

日本氣槍公司MARUI表示，P醬會以預約模式限定生產，只有預約嘅人先可以擁有，冇預約嘅就冇現貨可以到手，而到時佢哋仲會邀請GGO外傳原作者時雨澤惠一以及協助槍枝設定嘅秋本こうじ兩位一六幫P醬進行監修，預定2018年夏天就會發售。

不過P醬嘅售價同其他詳細資料都仲要等官方更新先知，有興趣嘅巴打想了解更多，就要再等一等喇。