世界盃八強今晚展開，不過卻有一個唔關世盃事，但就令全球球迷關注嘅消息，就係皇馬球星C朗拿度即將強勢加盟意甲嘅祖雲達斯！

今屆世界盃喺C朗嘅帶領下，葡萄牙喺16強就遺憾止步，不過C朗個人攻入4球則繼續證明佢嘅入球能力仍然係世界頂級的。而喺球會方面，C朗亦都帶領皇馬創造歷史，連續三年贏下歐聯冠軍，而其高效嘅入球亦喺過程中起到關鍵嘅作用。

不過，由於皇馬方面同33歲嘅C朗嘅關係一直唔算太好，而近年就更加係越黎越差，無論係C朗嘅加薪要求被否決，或是被西班牙政府指逃稅下無大力幫忙，再加上領隊施丹亦告辭職，一切一切都令C朗心灰意冷。

而就係呢個時間點，意甲球隊祖雲達斯正式出手，向皇馬報價C朗，雖然目前仲未有正式官宣，但係有傳C朗已經接受左祖記開出嘅一份4年每年年薪3000萬歐元合同，最快可能聽日就會有正式嘅轉會消息。不過，為左迎接C朗，有傳祖記可能需要賣掉部份球員，其中就包括希古恩、戴巴拿等都係有機會被賣掉嘅球員。

Cristiano Ronaldo has reportedly told Real Madrid he would like to join Juventus, according to @FabrizioRomano  pic.twitter.com/AnHdCii96x

— B/R Football (@brfootball) 2018年7月5日

Cristiano Ronaldo's transfer to Juventus is just a matter of hours. [GdS/La Stampa] pic.twitter.com/3K8I44JN2n

— Forza Juventus (@ForzaJuve2017) 2018年7月5日

喺西班牙已經贏得一切嘅C朗，有指佢想接受新挑戰，所以轉戰意大利對於佢黎講亦都係一個唔錯嘅選擇。由於C朗一直著開7號球衣，而祖記原來7號球衣主人古亞達度亦表態願意讓出呢個號碼。網上亦有傳C朗祖記嘅7號球衣已經亮相，一切就只等官方宣佈。

作為5屆金球獎得主，C朗雖然年齡上已經開始步入球員嘅黃昏期，但係佢仍然保持良好嘅身體狀態，因此相信佢可以為祖記帶黎巨大貢獻，甚至幫助意甲重建形象！