《哥布林殺手》（日語：ゴブリンスレイヤー）係日本網絡小說家蝸牛くも所創作嘅輕小說作品，由神奈月昇繪畫插圖，並於2018年2月宣佈將由WHITE FOX公司負責製作《哥布林殺手》動畫。

而《哥布林殺手》係講述專殺哥布林嘅故事。故事設定中有間邊境公會，裡面有個只靠討伐哥布林就可以升上銀等（位列第三階）嘅罕見案例。一名女神官成為冒險者後，首次加入團隊，就喺冒險中陷入危機。而拯救佢嘅人，正正係人稱「哥布林殺手」嘅男子。於是女神官就咁被「哥布林殺手」牽住走，另一方面，有位少女聽聞「哥布林殺手」嘅事蹟後，都現身委託任務，和礦人道士、蜥蜴僧侶加入剿滅哥布林嘅行列。

早前官方釋出第1彈PV後，最近又再公開第2彈PV，雖然未睇得出尺度如何，但唔少人都覺得暫時睇落，動畫角色方面還原度都算高，有睇過《哥布林殺手》嘅巴打又點睇？