早喺上年年尾，日本有網民喺Jump Festival 2018活動中見到《幽遊白書》有新作動畫嘅消息，之後陸續有消息公佈，話全新動畫會收錄於一共四Set嘅「25週年紀念Blu-ray Box收藏版」入面。而最近官方又有最新消息，就係《魔界篇》入面嘅新動畫內容！有傳新動畫內容係改編自《幽遊白書》漫畫單行本第7卷嘅外傳故事「Two Shots」，講述藏馬同飛影嘅初相識，而呢段故事將以OVA形式收錄於「25週年紀念Blu-ray Box收藏版」入面嘅《魔界篇》中，並由TV動畫監督阿部記之執導、Studio Pierrot製作。

最近官方終於釋出「Two Shots」嘅動畫畫面，一齊先睹為快啦！