留住你家中的卡式錄音帶 投入卡式帶復古潮流

近年，每幾個月就會有公佈卡式錄音帶的鎖量又再上升的消息。據英國市場公佈截至2017年為止卡式錄音帶的鎖量又創新高，保持90%的增長，認真唔講得笑。2018年暫時最新公佈的銷量排名如下：

好多人都會認為卡式錄音帶聲音的質素，對比起數碼制式的CD仲要好聲。唔知你家中仲有無留住以前的卡式錄音帶，如果你有的話恭喜你。不過除左懷舊之外，仲可以去買新出的錄音帶。睇返英國作例子，2018年最暢銷的錄音帶是Kylie Minogue的最新專輯Golden，成餅帶設計好特別非常具收藏價值。係抵

而2017年帶起成個卡式錄音帶懷舊熱潮的銀河守護隊2 星爵(Star Lord) 珍藏的音樂錄音帶就繼續守係第二位。2018年都有好多其他出色的新錄音帶，你是否都想買返盒投入呢個復古玩意呢？除左有帶新出，原來到2018年的今日仲有新機推出配合你玩。

日本影音巨頭TEAC Audio就係六月時候發佈左新產品W-1200雙卡式錄音帶機，高檔加復古絕對係有得做的潮流玩法。新機比起我地懷舊仲有其他新功能好像雙向播放，插mix混音錄音，同模擬音頻轉換成數碼檔案新玩法等等 

當然仲有其他公司都有推出新錄音帶機，日本公司好像比較積極。東芝過去70年代一直以Aurex作牌頭出錄音帶機，最近又推出左部新號稱HI-RES卡式錄音帶機，據稱聲音播出來特別高清。當然我就覺得用HI-RES AUDIO標簽落模擬信號的卡式錄音帶就卓頭居多！如果你家有部Aurex的舊機或其他舊式卡式帶錄音機，千萬唔好亂扔，應都幾值錢

唔知卡式帶呢個勢頭會唔會保持到去2019年呢？！