由河本焰擔任原作，尚村透作畫嘅賭博題材日本漫畫作品《狂賭之淵》講述私立百花王學園係一間存在階級制度嘅學校，佢哋以學生會為頂點，成間學校受到「賭博」支配，贏嘅話就係天堂，輸嘅話就係地獄，賭博強者受人羨慕、弱者被人凌虐，而轉校生「蛇喰夢子」嘅加入，就令局勢起咗好大變化……

其實《狂賭之淵》喺2017年7月至9月推出第一季動畫，反應熱烈，好多人都話好睇，估唔到話咁快，官方就表示會喺出年2019年1月，推出《狂賭之淵》動畫版第二季！

聽聞第二季會展開「學生會選舉」階段劇情，粉絲們要密切留意！