間店嘅主題選定係《Z高達》。點解唔係元祖高達？因為《Z高達》動畫入面經常畫住啲人食漢堡包囉，所以順理成章有咁嘅設定，都幾有心思㗎。舖入面嘅店員仲會着住第三勢力奧干嘅制服嚟serve人客，睇得多聯邦軍同自護制服嘅話，今次可以轉轉口味，聽講間唔中更加有
店員會cosplay動畫入面嘅角色搞吓氣氛添。

不過店內賣嘅4款漢堡包就係參照元祖高達嚟整，分別係高達漢堡（780円，約$52）、渣古漢堡（800円，約$53）、紅彗星漢堡（800円）同史力華漢堡（700円，約$47）。邊個係史力華？就係核戰機個駕駛員。啲包除咗喺包面烙上3個機械人頭圖案同G字logo外，渣古同紅彗星漢堡仲會用番綠同紅色嘅麵包整，就連食材同醬汁都揀番相同顏色嘅，唔怪得收最多錢啦。

其實啲包都唔算好貴一個啫，間舖頭又就腳，高達迷下次去日本冇理由唔試吓啫。