鐵血戰士又一次出現，這部新作故事時序上相信是2010的鐵血戰士的延續，今集鐵血戰士又殺到落地球；仲唔止普通版的鐵血戰士這套電影還會出現另一隻終極鐵血戰士進行大圍殺。 面對強敵地球人應該如何收科呢？

我地將過去所認知的戰血戰士來一個詳細介紹：鐵血戰士的官方名叫Yantja,係一個有先進科技同技術的種族。鐵血戰士有可以進行遠距離航行的宇宙飛船；可任意飛行到不同星球進行狩獵。

鐵血戰士生存的意義就是為左狩獵同殺戮；佢地有好先進的生化面具，頭盔有攝錄裝置可以記錄低鐵血戰士的狩獵過程從而改進技術？（佢地應當自己打緊機），而原來當鐵血戰士戰死左；面具同影像會自動通過飛船送返家鄉星球，等家屬可得到學習經驗改進狩獵技術。

佢地所有科技和生活都是為左狩獵，佢地有自己複雜的語言同文字，人類係聽唔明只覺得佢地發出顫震音同古怪的叫聲

其實鐵血戰士係有衫著的；而且是高科技金屬網盔甲，衣服有溫度控制元件，可以幫助佢哋適應唔同嘅氣候同溫度， 仲可以將佢哋眾多先進嘅武器掛係衣服上面，鐵血戰士最常用的武器係佢哋手上面嘅腕刃，可伸縮殺戮，身上還有加農砲。

鐵血戰士呢種生物係會接受獵物的單挑挑戰(你敢與我劉禪單挑嗎？)，當佢遇到佢尊敬的強大對手就會除下遠距武器，同對手近距離打鬥。（自負都係一種缺點來。）除左手伸出刀刃；佢地仲有戰鬥矛的長型兵器。打遠少少的仲有可投擲的智能飛盤

仲有好多好恐怖的例如等離子加農砲…我唸講得太多，反正鐵血戰士就是不停殺戮的變態生物。

其實每一集的鐵血戰士也會進化，都有新的元素，唔知今集的鐵血戰士終極版又會點樣？