【期待新戲】恐怖大作詭修女 嚇到你縮驚到彈起

本月新電影中其中一個最受注目的作品必定是恐怖大作《詭修女》（The Nun），呢套作品係亞洲恐怖名家溫子仁監製及編劇的新作，溫子仁的大名如果你是恐怖電影的愛好者必定如雷貫耳，佢係新世代的恐怖大師，本作品的預告一登場就嚇到全世界電影迷為之一驚，老實，個預告真心驚嚇，好早前無內容公佈只放幾個預告鏡頭已引起好大迴響。

呢套恐怖大作係北美市場大收，北美上映開畫一周已經勁收5350萬美元（約4.1億港元），已肯定是作品系列中最賺錢的一部。電影海外票房亦已收7750萬美元（約6億港元）。電影成本只需約2200萬美元（約1.7億港元）的《詭修女》到今日已肯定有1.3億美元（約10.2億港元）票房

，絕對大賺。

好多人只睇預告已經話嚇到完全唔敢睇，仲話有心理陰影訓唔著云云，我建議大家如大膽的話唔入場都要睇睇個預告片。當然如果真係覺得好驚而你又頂得住恐怖電影，何不入場驚足兩個鐘玩下。

呢套詭修女係詭屋驚凶實錄系列，是《詭屋驚凶實錄2》（The Conjuring 2）的恐怖修女角色全新獨立作，如要數系列作品時序，時間設定於《詭娃安娜貝爾：造孽》、《詭娃安娜貝爾》、《詭屋驚凶實錄》及《詭屋驚凶實錄2》之前，不過其實任何電影作品前傳的東西個人認為都可以唔跟，當佢一部新的獨立恐怖電影睇即可。

電影將於9月20日起正式係香港上映

想嚇破膽的朋友快d約埋friends子一起去睇，你唔係打算咁勇一個人去睇呀？小心有人拍你膊頭呀

詭修女

演員：迪文畢治爾, 泰莎法蜜嘉, 祖納斯布洛奇, 莎樂荷普, 英格麗比素, 邦妮亞朗絲

不過其實講開講個女主角幾正