滑浪絕對係極限運動之一，唔好睇好似滑浪選手跌落個海唔會好傷又唔太危險，事實上隨時發生致命意外，一去無回頭。

黎自巴西31歲嘅女滑浪手Maya Gabeira，就曾經喺5年前因為滑浪差啲命喪大海，但佢並無因此而唔再走到海上「踩板」。近日Maya甚至挑戰恐佈巨浪，並成功創新健力士世界紀錄，成為世界挑戰最高巨浪嘅最強女滑浪手。

今年1月18日，Maya在葡萄牙納札雷嘅海岸成功挑戰一個高達20.72米嘅巨浪，喺影片中可以睇到佢喺挑戰期間曾被巨浪覆蓋，但最終佢都成功滑出呢個巨浪。

睇見一個咁巨型嘅海浪，Maya仲可以逃出生天，真係唔寫個服字都唔得啦！