日本漫畫家北条司所畫嘅《城市獵人》絕對係8、90年代嘅經典漫畫之一，故事講述咸濕又身懷絕技嘅孟波，同拍檔阿香一齊開咗間私家偵探事務所，只要想聯絡佢哋，就要喺新宿嘅留言板上寫上暗號「XYZ」，咁樣「城市獵人」就會同事主聯絡，而故事就係關於各式各樣唔同嘅Case。

之前MenClub都有同大家提過，為慶祝《城市獵人》動畫版30周年紀念，官方宣佈將會製作全新劇場版動畫電影，並預定於2019年正式上映，而近日官方終於確定，《城市獵人》全新劇場版電影會於2019年嘅2月8日上映，比預期中更快有得睇呀！

而呢次《城市獵人》全新劇場版動畫電影預定維持原本TV動畫版聲優陣容，由「神谷明」及「伊倉一惠」為孟波同阿香配音，並由過去曾參與TV版及劇場版動畫嘅こだま兼嗣負責監督執導，保證百分百原汁原味！

一齊睇埋最新嘅電影特報啦！