一直以嚟荷里活都將唔少日本動漫或者遊戲改編做真人版電影，例如《龍珠》、《攻殼機動隊》等等，但始終外國人好難還原返日本動漫嗰種味道，所以唔少人都認為即使係荷里活級嘅製作，都係咪搞日本作品好啲，費時套戲出到嚟不論不類咁。之但係荷里活都係堅持要搞下日本嘢先開心，嚟緊佢哋又有新搞作，就係決定要開拍《洛克人》真人版電影！

CAPCOM最近宣布佢旗下嘅經典電玩IP《洛克人》（ロックマン，Rockman，英文名稱為MEGA MAN）將會交畀荷里活做拍攝真人版電影，並以美版名稱《MEGA MAN》作為片名。

製作陣容方面，將由Chernin Entertainment擔任製片公司，Ariel Schulman擔任導演與劇本，並由曾獲金球獎及艾美獎提名嘅日裔美籍演員兼電腦特技師「岡政偉」擔任製作人。

巴打對於荷里活開拍《洛克人》真人版電影又有咩睇法呢？