2018秋季動畫新番《我家的女僕有夠煩！》喺網上造成熱話，原因唔係因為套動畫內容或畫功有幾咁好睇，而係因為佢嘅OP同ED嘅MV主角太過出眾！

《我家的女僕有夠煩！》（日語：うちのメイドがウザすぎる!）係由日本漫畫家中村官戶創作嘅一部漫畫，講述有俄羅斯血統嘅小學二年級學生高梨米夏因媽媽好早就過身，於是就同爸爸開始共同生活，由於唔鍾意爸爸僱用女傭，所以總係想盡方法去進行惡作劇，迫使女傭離開，直到有一日，一個戴着眼罩嘅女僕「鴨居燕」嚟到米夏屋企，令到米夏無法施展惡作劇，而且燕仲要係一個蘿莉控……

而呢次《我家的女僕有夠煩！》動畫就請咗日本著名嘅肌肉偶像才木玲佳出演OP同ED嘅MV主角，咪睇才木玲佳個樣咁萌咁無害，其實佢嘅魔鬼身材先係一大賣點，單單係個二頭肌，就睇到啲男人嘆為觀止！

片頭曲「ウザウザ☆わおーっす！」