{ SKIP }
文:米  圖:互聯網
POSTED ON 07 Nov 2018

《飛翔吧埼玉》(翔んで埼玉)係魔夜峰央喺1982年所發表嘅搞笑漫畫,後來喺2015年突然喺網路上引發話題而決定復刊,再經由《月曜から夜ふかし》節目介紹瘋狂熱賣單行本55萬本!家下仲出埋真人版電影,真係估佢唔到!而《飛翔吧埼玉》之所以咁受人關注,係因為佢以一種自虐方式,將埼玉縣貶到一文不值,講述呢個地方出身、居住嘅人,都會受到嚴重差別待遇,《飛翔吧埼玉》就係以咁樣嘅虛構日本為舞台背景。

《飛翔吧埼玉》真人版電影具體內容係講東京名校白鵬堂學院有一個名叫麻實麗嘅男轉校生,由於佢顏值高成績好,所以好多學生都對佢非常崇拜,而呢個男學生嘅真實身份其實係西園寺家嘅少爺,佢父親希望將佢培養成政治家,廢除對埼玉縣民的差別政策……而東京都知事嘅兒子、白鵬堂學院學生會長壇之浦百美,更喜歡上由美國轉校嚟嘅麻實麗,但發現麗係埼玉出身後一切都崩壞了……

當中麻實麗呢個重要嘅男學生角色,係由年過40嘅GACKT所飾演,本來大家都好擔心,GACKT一把年紀究竟仲扮唔扮到學生哥,但最近《飛翔吧埼玉》真人版電影公開角色定妝照,一睇,GACKT嘅男高中生造型絕對冇問題!而二階堂富美飾演嘅壇之浦百美嘅裝扮亦非常精緻!

《飛翔吧埼玉》預計2019年2月22日喺日本上映,有興趣嘅朋友暫時睇住宣傳影片先啦!

Bella Ramsey呼籲HBO真人版《The Last of Us》嘅Haters,如果真係咁唔鍾意套劇,就唔使勉強睇第三季,原著遊戲仲喺度,大家可以返去再玩一次。
hobby
【影視】Bella Ramsey回應《最後生還者》第二季爭議:討厭的話不必看第三季,可以回去玩遊戲
29 Aug 2025
曾執導《哈利波特》首兩部電影嘅Chris Columbus表示,當佢睇到HBO重啟劇集版嘅片場照,發現新版海格造型幾乎同電影版一模一樣時,心裡不禁質疑:「咁樣重拍有咩意義?」 ... ... ... ...
hobby
【影視】《哈利波特》原導演驚訝新海格造型毫無變化:這樣重拍有什麼意義?
29 Aug 2025