《愛情蛙跳跳》（ほっぷすてっぷじゃんぷッ!）係日本漫畫家岡田和人創作嘅作品，故事講述男主角「渡邊裕太」係女子高中嘅一名工友，雖然佢係一個年過三十嘅大叔，但卻單戀學校裡嘅風紀委員莢香，有日男主角突然被一隻突變粉紅青蛙咬咗一啖，從此就擁有許多特異功能，例如舌頭可以好似青蛙咁伸長、亦可以用吸盤般嘅手掌攀岩附壁，不過如果佢唔喺期限內恢復原狀嘅話，就會死於非命，而恢復原狀嘅方法竟然係要同處女啪啪啪，或者係要食咗原本咬佢隻青蛙……

而呢套經典嘅情色漫畫近期仲宣佈會再次改編成真人版電影，仲邀請埋擁有I罩杯嘅天木純做女主角朝日村莢香，相當有睇頭呀！至於其他演員方面，男主角渡邊裕太會由鶴岡一途飾演，另外水澤柚乃、和久井雅子、佐藤聖羅、板野成美、宮田翔子、谷口彩菜、西谷麻糸呂、園部琴子、今奈良孝行、麻木貴仁及柳伊呂波等人亦有份參演。

目前《愛情蛙跳跳》真人版電影將會分成1、2兩部，並於12月15日-20日喺東京涉谷HUMAX影院進行為期6日嘅期間限定播映。唔知遲下香港會唔會都有得睇呢？