網壇四大滿貫之一嘅澳網，日前再度迎來巔峰對決：祖高域 vs 拿度。呢個對決相信作為球迷嘅你一定唔會陌生，再一次見到佢地進行頂上對決，真係令人熱血沸騰！

不過，今次二人嘅對決卻上演一面倒嘅情況，去年奪得美網及溫網嘅祖高域，完全將11屆泥地王拿度壓制，最終竟然直落3盤帶走勝利！

目前世界排名第一嘅祖高域，自2016年後再次奪得澳網冠軍，今次奪冠亦令佢成功超過費達拿(6次澳網冠軍)，獨自成為網壇歷史上首位7次奪得澳網冠軍嘅球手。

同時，祖高域生涯大滿貫冠軍獎盃亦增加至15個，令佢超過網壇傳奇森柏斯，獨自成為歷史奪得第三多大滿貫嘅球手，亦代表佢僅落後拿度兩個大滿貫冠軍，及落後費達拿5個大滿貫冠軍。

另外，今次與拿度嘅對決，祖高域為對方送上一次盤數3:0嘅完勝，要知道呢個亦都係一個紀錄，因為拿度以往從未試過喺大滿貫決賽中直落3盤被橫掃的！

祖高域自從去年開始，成功克服傷病，重新煥發第二春，除左連奪三個大滿貫外，亦都再次攀上世界一哥寶座，實在令人佩服！