Sala where are you?

本來由南特加盟卡迪夫城嘅阿根廷射手Sala，因為飛機疑似空中解體至今仍然音訊全無，究竟Sala係生係死都仲未有一個確實嘅答案。

不過最新嘅消息指，英國嘅搜查隊發現兩個飛機坐墊，懷疑係黎自接載Sala的飛機，而呢兩個坐墊係於法國北部Colentin半島嘅Surtainville被發現的。

搜查隊自從Sala失蹤後，便一直按住飛機飛行路線及雷達，喺飛機失蹤位置四平方英里嘅水底尋找，睇下搵唔搵到飛機殘骸。

預計搜查行動會持續三天，再加上Sala家人憑住眾籌獲得嘅30萬歐元，繼續喺空中及海中進行搜查。

如果呢兩個咕臣真係由Sala乘住嘅飛機甩出黎嘅話，相信飛機應該都真係已經失事，Sala生存嘅機會應該都真係接近零了...