小白雖然係小新嘅寵物，但可愛又醒目嘅佢，作為配角，人氣絕對唔會輸畀主角蠟筆小新！小白仲曾經喺劇場版入面擔當過主角角色！可見人氣真係唔惹小！由於小白實在太得意又太高人氣，官方決定推出由小白做主角嘅《小白當主角「SUPER SHIRO」》動畫！

話說小白原來係一隻被不明人士所棄養嘅流浪狗，後來被小新收養，成為野原家飼養嘅小狗。不過一直以嚟，野原家都唔了解小白嘅經歷，有傳新動畫就以此為切入點，講述小白表面上係野原家養嘅普通小狗，但其實係守護世界嘅英雄！

《小白當主角「SUPER SHIRO」》動畫嘅總監督係曾經參與過《蠟筆小新》製作嘅湯淺政明，動畫製作則由Science SARU擔任，好想快啲知道更多詳細消息呀！