美斯，可能係地球上最出色嘅足球員，基本上作為球迷基本上無人不識，不過佢有啲野你卻可能唔知道的。

1.在其餘19支西甲球隊全部取得入球

相信任何一支球隊面對美斯都會感到巨大壓力，呢一點係可以理解的。目前巴塞正排在西甲嘅榜首，而美斯則都曾經喺其餘19支球隊身上取得過入球，並且係最少攻入兩球。其中美斯最喜愛面對嘅球隊相信係西維爾，因為佢喺35次對陣當中累積攻入32球，係19支球隊當中入球數最多的。而喺美斯球員生涯中，喺西甲曾經面對40支不同嘅球隊，其中有3支係未被美斯攻破過大門的，分別係卡迪斯、穆爾西亞及薩雷斯體育會，因為佢地三支都係喺美斯生涯前期出現，再加上其後佢地都無再留起西甲，所以美斯未有機會喺佢地身上取得入球。

2.與碧基已經一起踢了接近20年球

美斯與碧基自從2000年就已經喺巴塞足球學院成為隊友，而兩人很早就已經被發掘出來，認定未來將會取得巨大嘅成就。自從碧基在2008年由曼聯回歸巴塞後，美斯同佢一共上陣421場比賽，只有布斯基斯及恩尼斯達與美斯一同上陣嘅次數比碧基還要多。

3.將每一個入球獻比祖母

基乎每一週大家就會見到美斯入球後雙手手指向天舉起慶祝，但相信唔係太多人知道當中嘅因由。事實上，美斯咁樣做係對其祖母嘅致敬，因為美斯對足球有興趣係全因其祖母，而祖母亦都非常支持美斯踢足球。不過可惜嘅係，1998年美斯祖母離世，因此佢並未能見證孫兒喺西甲，甚至更高嘅舞台踢球，而美斯就將每個入球都獻比佢。

4.美斯本來是可以踢西班牙隊的

美斯在國家隊生涯是效力阿根廷的，但事實上佢本來係可以加入西班牙國家隊的。在巴塞隆拿度過自己嘅童年後，美斯其實係有資格成為西班牙國家隊嘅一員，但佢完全無呢個諗法，因為佢一心一意只係想為阿根廷效力，亦正因為咁佢錯失左2010年隨西班牙奪得世界盃嘅機會。不過，如今美斯亦都係阿根廷國家隊嘅歷史最佳射手，入球數目前已經達到65球。

5.艾馬是其成長期間的偶像

相信呢一點應該有唔少球迷都知道，就係如今美斯係唔少人眼中嘅偶像，但佢自己年幼時亦都有偶像，佢就係阿根廷中場球星艾馬。在西甲中，美斯曾多次與艾馬在場上碰頭，其中2004年嘅一場比賽中，17歲嘅美斯成功與艾馬在賽後互換球衣，而呢一件球衣美斯至今仍然相當珍惜。