早兩日出左一段相當爆笑好睇電影新作預告，是來自大牌天后Anne Hathaway和近期熱爆搞笑「Fat Amy」Rebel Wilson的拍檔新電影《The Hustle》《圓美大盜》的預告片，單就呢兩人的爆笑組合同搞笑的電影劇情，呢套《圓美大盜》相當有睇頭，兩個騙徒一肥一美，目的是埋有錢佬堆騙財搵食，反正有肥妹Fat Amy就自然有笑料，今年五月呢套笑片值得期待。

相信呢套電影最大的賣點就係兩個人，一個Anne Hathaway，做老千已經是熟手技工《Ocean’s 8》中已出動過，今回搭上新手肥妹老千「Fat Amy」Rebel Wilson ，要教佢如何千富豪，呢條「屎」橋一聽就知是屎上腦，不過兩人的化學作用應該唔錯，兩種不一樣的喜感交織出幾很好笑的合作。

 預告中可見肥妹搞笑連連，加上Anne Hathaway成熟美艷但唔知做咩口音特濃配搭英式口音

《The Hustle圓美大盜》其實是根據舊作再行改篇，佢的藍本取自1988年播映的喜劇電影《 Dirty Rotten Scoundrels /偷心大少》，描述以欺騙富婆感情維生的兩名老千，因為鎖定相同目標而互相較量，最後的劇情發展卻漸漸失控。不過其實呢類的故事老生常談，無咩值得參照，時下求其搵隊《愛回家》團隊創作到幾打呢類劇本啦！所以當一套新劇睇就可以，重點還是故事搞笑位度得如何，兩個笑匠搞笑度夠唔夠照！！《The Hustle》自然就是女版《Dirty Rotten Scoundrels》，由 Anne Hathaway 和 Rebel Wilson 兩位外型差天共地，但帶住兩種喜感女星相偕演出，精彩火花可期。預告就ok爆笑

又講下發佈預告的玩法都落足心思，今次呢部笑作宣傳電影的方式都極富幽默感，早前，Anne 率先在個人的IG帳號搞大龍鳳上傳電影海報，並點名肥妹問：「請問我們可以上傳預告嗎？」，肥妹Rebel 馬上回覆「我有一個關於預告發佈的計畫，但可以請你明天到法國南部來商量嗎？」，跟住就到反串扮女人出各的的 IG 紅人 Branden miller馬上以他的虛構角色 Joanne The Scammer 搭傘回覆：「有騙局的地方，就有計畫。」

之後Anne 就上傳了  Joanne The Scammer 為《The Hustle》拍攝的前導預告，內容是Joanne無里頭出動，靜靜潛入大樓中偷走《The Hustle》的預告大片膠卷，並寫下「一定要幫我姐妹們搞掂《The Hustle》的預告，不如有人話，只幫女人，只騙男人。」

大家對呢兩個女星有興奮就睇睇預告，留意映期，我個人就對《The Hustle》感到非常期待(雖然感覺是爛爛地的搞笑片)。