皇馬近期先在國王盃出局，後又被阿積士在歐冠盃淘汰，西甲聯賽又落後榜首嘅巴塞12分，理論上亦都好難追得到，所以今季皇馬相信都極大機會四大皆士。一支上季連續第三年勇奪歐冠盃冠軍，又連奪西班牙超級盃、歐洲超級盃及世冠盃冠軍嘅球隊，今季絕對可以用失敗黎形容。

眼見球隊今季毫無作為，皇馬高層開始焦急，並四出尋求改善嘅方法，其中更換領隊已經勢在必行，目前嘅蘇拿利今夏應該會被辭退，而佢地現時嘅目標除非盛傳嘅摩連奴之外，就有利物浦嘅高普以及前教練施丹。

佩雷斯：我求下你番黎教啦 (設計對白)

據最新嘅消息指，皇馬主席佩雷斯已經親自打電話比施丹，希望佢可以回歸皇馬，再次帶領球隊取得成功。

對於佩雷斯嘅邀請，施丹並未即時答應，佢期望可以在6月前睇下仲有無其他球隊開出更吸引嘅條件，其中祖雲達斯、車路士都對施丹有興趣。除此之外，此前施丹與佩雷斯曾經有傳因為意見不合所以前者才選擇離隊，所以要佢回歸睇怕並唔係咁容易。

施丹：條友打黎求我番去喎 (設計對白)

不過有一件事可以肯定的，就係皇馬下季應該點都唔係蘇拿利執教，其戰績已經令皇馬高層非常失望。