「火箭」奧蘇利雲日前喺桌球巡迴錦標賽上繼球員錦標賽後，再次喺決賽上擊敗羅拔臣，成功捧走今季第3個排名賽冠軍，唔單止成功追平「桌球皇帝」亨特利36個排名賽冠軍紀錄，更加係「火箭」自2010年後再次登上桌球世界第一寶座！

今季可以話係奧蘇利雲創造歷史嘅一季，佢較早前喺球員錦標賽上成功歷史性打出生涯第1000桿Century Break，而今次喺桌球巡迴錦標賽又再次奪冠，令佢生涯排名賽收下第36冠，成功追平亨特利嘅紀錄。

而贏下桌球巡迴錦標賽後，「火箭」亦正式超過沙比重返世界第一，後者自2015年後已經連續215個星期佔據桌球世界第一寶座。

「火箭」今次重返世界第一其實比大家想像中更加困難，因為近年「火箭」非常有性格及有目的性地選擇比賽黎參加，即係話唔係所有比賽佢都會參加的，所以佢仍然可以憑住極高效率贏取獎金而重返世界第一係非常令人佩服的。

今次重返世界第一，相信對於「火箭」黎講意義並唔大，因為如今嘅今只係享受帶比佢嘅樂趣，以及睇下自己仲可以創話咩紀錄。預計「火箭」應該唔使幾耐就可以打破亨特利嘅紀錄，正式獨享歷史贏下最多排名賽嘅球手。