《只要長得可愛，即使是變態你也喜歡嗎？》（日語：可愛ければ変態でも好きになってくれますか？）係花間燈寫作、sune負責插畫嘅日本輕小說作品，講述桐生慧輝希望交到女朋友，某日佢收到一封裏面夾住底褲嘅情書，而根據慧輝嘅推測，有四位女孩係最有可能寄呢封情書嘅對象，當慧輝不斷去追尋真相時，卻發現佢身邊嘅女孩子都有不為人知嘅秘密。

其實喺今年2月20日嘅時候，已經傳出《只要長得可愛，即使是變態你也喜歡嗎？》決定改編為電視動畫嘅消息，而早前3月24日嘅時候，更喺「AnimeJapan 2019」活動會場中宣佈《只要長得可愛，即使是變態你也喜歡嗎？》新番動畫將於7月播出！

《只要長得可愛，即使是變態你也喜歡嗎？》新番動畫由いまざきいつき監督，山下憲一系列構成，伊藤陽祐擔任角色設計同埋總作畫監督，Animation Studio Seven協力製作，GEEK TOYS擔綱動畫製作。

而最近官方更釋出動畫PV第一彈，一齊睇過！