《復仇者聯盟4：終局之戰》（Avengers: Endgame）直接播出12分鐘的結尾製作人員出場字幕大感謝，史無前例無結尾彩蛋。不過世紀大作又點會完全無彩蛋，外國就有神人發現一個電影中隱藏的彩蛋伏線，真係要超級眼利先留意到，我相信99%正常人都唔會睇到出來，就係當終局之戰之後，蜘蛛俠回到校園，佢身後的個位校工，居然係演員Ben Mendelsohn，而佢即係Marvel隊長電影中飾演斯克魯爾族人（Skrull）的Talos將軍！！Marvel好少求其搵個男星做校工作出豪無意義的安排，所以呢個絕對是暗藏彩蛋，克魯爾族是可以變身成任何人，到底佢做校工是否同往後蜘蛛俠決戰千里的發展有關？！

蜘蛛俠在《復仇者聯盟4：終局之戰》大戰結束之後，回到校園，重新見返佢的好朋友Ned，這個時候，大多數人的焦點都在Ned身上，但卻有神人網友發現蜘蛛俠背後出現疑似賓·曼迪臣（Ben Mendelsohn）出演的校工，這位演員曾在《Marvel隊長》飾演斯克魯爾族人（Skrull）的將軍Talos，呢個神人發現隨即在網路上掀起熱烈討論。

Skrull的將軍Talos無啦啦出現係復仇者聯盟4的結尾當中絕對不是偶然，當然除非Marvel話絕無此事，所有的都是睇錯人點錯相，否則，一定是一個隱藏的往後劇情的伏線。

由於克魯爾族人可以化身任何人的外表，Talos可能因為某種原因進入學校做校工，而且好有可能同蜘蛛俠有關。

由於《蜘蛛俠：決戰千里》劇情大綱倘未完整公開，我們未能知道克魯爾族會否出現係蜘蛛俠的故事當中，不過克魯爾族係Marvel的宇宙世界當中，佔一個好重要的位置，好多漫畫的劇情都同佢地有關連。

而係Marvel隊長的故事當中，克魯爾族最終係以善良受逼迫的形象示人，所以佢地即使要扮校工，看來都好像不會傷害蜘蛛俠，到底發生咩野事就要問下一日到黑都係宇宙出差成日唔見人的Marvel隊長出來解釋一下。