英超聯賽終於進入最後直路，利物浦3:2險勝紐卡素，成功反超曼城再次登上榜首。不過，現時嘅利物浦打多曼城一場，只要曼城黎緊贏到李斯特城，咁樣佢地又會再次反超利物浦1分。所以，今屆英超冠軍誰屬，無論點樣都要鬥到最後一週先知道結果。

對於利物浦黎講，今季黎到最後將會係一個大起大落嘅，因為佢地已經殺入歐聯四強，同時又處於英超聯賽榜首，但係實際上佢地歐聯已經落後巴塞隆拿3球，殺入決賽嘅機會微乎其微，而聯賽嘅主動權又喺曼城手上，後者只要黎緊兩場比賽都獲勝，利物浦將會再次與聯賽冠軍失諸交臂。所以，實際上利物浦今季看似成功，但結果最終可能都會係四大皆空。

雖然情況並唔樂觀，但係利物浦領隊高普則揚言：「即使今季球隊一個冠軍獎盃都拎唔到，球隊仍然係度過一個非常非常成功的賽季。」

「如果我地最終失敗，其他球隊嘅球迷都會非常高興。不過曼城仍然落後比我地，一切都會好的，真的！」

「喺我黎到利物浦執教的時候，我就意識到執教呢支球隊將會非常困難，所以我地就以艱難嘅方式前進。而家情況就係咁，因為運氣並不經常喺我地呢邊。」

黎緊最後一週，利物浦嘅對手將會喺狼隊，而曼城踢完李城之後嘅對手則會喺白禮頓。其中利物浦嘅對手狼隊今季可以話係巨人殺手，多支傳統勁旅都要失分比佢地，而利物浦首輪曾喺狼隊身上全取3分，但喺足總盃則敗喺佢地腳下。相反，曼城唔單止唔使分手歐聯，黎緊兩個對手實力都唔算非常強，最後一場嘅對手白禮頓更確認護級成功，所以並無太大動力同曼城搏殺。

因此，利物浦要想奪得英超聯賽冠軍，基本上只可以祈求奇蹟出現，只有望李城或白禮頓是旦一個對手成功逼和曼城，咁樣利記先可以歷史性奪得英超冠軍。