{ SKIP }
文:MenClub 波特先生  圖:互聯網
POSTED ON 10 Jun 2019

繼2016年歐國盃後,葡萄牙再一次殺入國家盃賽嘅決賽,而今次佢地嘅對手係陣容相對年輕嘅橙色軍團荷蘭。由於首屆歐國聯喺葡萄牙舉行,而決賽則喺波圖主場進行,因此葡萄牙國家隊擁有絕對嘅主場優勢。

進入比賽,葡萄牙可以話佔據絕對主動權,荷蘭則只有零星反擊,基本上唔太威脅到葡萄牙。不過,葡萄牙雖然有較多攻門,但上半場雙方均未能取得入球。

直到下半場60分鐘,葡萄牙終於憑對方一次走甩干卡路古亞迪斯,後者接應貝拿度施華嘅短傳,喺禁區頂大力施射,荷蘭門將雖然單手撲到,但由於個波勁度夠,所以仍然直飛入網,葡萄牙1:0領先。

失波後嘅荷蘭雖然嘗試反擊,而亦都有威脅嘅埋門,但卻未能攻破葡萄牙嘅大門,最終葡萄牙1:0小勝,奪得首屆歐國聯嘅冠軍,亦都係佢地繼2016年歐國盃之後獲得嘅第二個國家隊冠軍。

首屆歐國聯賽事喺葡萄牙奪得冠軍後亦告結束,而賽事各個獎項得主如下:

決賽最佳球員:R.Dias(葡萄牙)

決賽階段最佳球員:貝拿度施華(葡萄牙)

決賽階段最佳射手:C朗拿度(葡萄牙)

決賽階段最佳年輕球員:迪莊(荷蘭)

如果大家有印象,Switch 2剛開賣嗰陣,我哋曾經報導過美國一間GameStop分店喺交付預購主機時,因為將收據直接釘喺包裝盒正面,結果粒釘穿咗紙盒,導致螢幕受損出現兩個小洞,引起機迷熱烈討論。最近,GameStop就嘗試 ...
hobby
【出色公關?】GameStop拍賣「破洞Switch 2」及涉事釘書機 所得收益將捐贈慈善機構
11 Jul 2025
想當年大家睇住橋本環奈憑著「奇蹟的一杖」成為「千年一遇美少女」而爆紅,估唔到話咁快佢就已經長大到要談婚論嫁嘅年紀。據日本雜誌報導,環奈BB已經接受拍拖三年嘅男友中川大志求婚,二人不但連家長都見埋而且已經 ...
hobby
【悲報】前排分手實為煙幕? 傳環奈BB將嫁中川大志
10 Jul 2025