女人最鍾意浪漫，呢期《阿拉丁》真人版電影Hit爆，凡係同《阿拉丁》有關嘅嘢女女們都覺得︰「好浪漫呀～」、「好想要呀～」……女女講到出口咁想要，唔係唔畀佢呀化？嚟緊夏天熱辣辣，一於就買個《阿拉丁》飛毯浮床，同女友一齊喺水上浪漫下啦！

最近日本迪士尼官方商店就推出咗「飛毯浮床」，浮床側邊仲有隻馬騮仔阿布陪住你勁可愛！就算巴打你冇女朋友，去船P玩嘅時候相信只要有一「飛毯浮床」在手，包保全場女女即刻以你為中心圍住你，到時借啲意同女女喺一齊坐住「飛毯浮床」探索「a whole new world」真係話都冇咁易！

不過呢個「飛毯浮床」都唔平，大約要7020日元，如果巴打想買嘅話可以上日本迪士尼官方網站訂購。