羽毛球一向係中國隊強項之一，好似奧運會入面就多次奪得金牌而回。不過，近年國羽隊嘅表現有回落嘅跡象，特別係女子隊方面，而里約奧運國羽隊已經先後失落女單、女雙及混雙金牌，其中女單更加係三甲不入。因此，國羽隊必須進行改革，而改革已經開始進行。

據報導指，前韓國國家隊主教練姜京珍已經正式與中國國家隊簽約，成為其中嘅雙打教練。今次簽約，係中國羽毛球國家隊歷次上首次聘請外藉教練，因此引起不少回響。

今次中國隊決定聘請外藉教練，全因為姜教練係非常出色嘅教練，特別係雙方方面，所以為左成績國家隊終於開放自己，引入外藉教練提升選手技術。

面對其他國家實力上嘅提升，中國隊真的急了，特別係明年就係東京奧運，國家隊承受嘅壓力不同一般，所以為左成績必須放棄尊嚴，求助於並其他國家更出色嘅教練，係無可奈何嘅辦法。

其實姜教練會加入中國隊，都係機緣巧合下，事關喺2018年年底嘅時候，韓國國家隊將球隊喺亞運會上令人失望嘅表現歸咎於姜教練及其他教練嘅不濟，所以一次過辭退左7位教練。正因為咁，佢先有機會與中國隊接觸，最終加入他們旗下。