籃球名人堂(Naismith Basketball Hall of Fame)，每一年都有三名退役NBA球星加入，而此前都會先被提名，然後再選出最終入選的三人。

過往能夠入選籃球名人堂前嘅被提名人，通常都會有部份懸念，因為每一位被提名嘅球員都有住自己不同嘅成就及往績。不過，當今年嘅提名名單公佈後，可能你會覺得能夠入選嘅三人基本上毫無懸念。

以下就係今年被提名入選籃球名人堂嘅前NBA球星：

無錯，當你睇到呢份名單後是否已經覺得三個位置已定，佢地將會係Tim Duncan、Kobe Bryant及Kevin Garnett嘅囊中物。

Duncan作為NBA歷史最偉大嘅大前鋒，個人曾協助馬刺5奪總冠軍，其中3次成為FMVP，另外亦兩次奪得常規賽MVP；Kobe湖人最偉大嘅球員之一，5次助紫金軍奪得總冠軍，其中兩次奪得FMVP，並奪得1次常規賽MVP，同時佢亦都係NBA歷史總得分排名第三嘅球員；KG帶領塞爾特人奪得1次總冠軍，並奪得過1次常規賽MVP，以及15次入選全明星陣容。

基本上提名名單上已經無邊位球員嘅履歷可以挑戰以上三位傳奇，兩次助熱火奪得總冠軍嘅Chris Bosh，不過佢當時只係熱火嘅第三球星，所以基本上無乜機會可以動搖到Duncan、Kobe及KG嘅位置，佢可以做嘅就係再等一年，咁樣入選嘅機會可能會大得多。