經典動畫《魔神英雄傳》最新一輯《魔神英雄傳 七魂的龍神丸》即將於明年春季登場，一眾Fans較早前應該已經見到宣傳海報上出現嘅七部魔神，相信七部機體都將會係主角飛雲乘坐嘅機體，只係最初嘅機體龍蒼丸會有不同形態變化。

而動畫公司日前亦正式公佈首支宣傳影片，影片一黎已經見到故事主要背景創界山，而主角飛雲則騎住龍神丸龍形態出現，其後又見到以往嘅龍神丸，但卻被黑暗力量將其分離成七部份，然後虎王及火美子一齊出現，同飛雲一齊面對敵人。之後飛雲召喚龍蒼丸，同時不同形態嘅魔神亦都全數出現。

除左睇到少少新作故事內容，今次宣傳片亦特意用上舊作嘅主題曲，相信一眾Fans一定所有回憶都番晒黎，而新作大家就期待一下吧！