年頭時傳出本地名導彭浩翔將開拍改編金庸先生的傳奇鉅著《鹿鼎記》三部曲。當時連外媒Variety都有報導，據稱鹿鼎記是一部超級大製作，預算19幾億製作費，由彭浩翔與「正在電影」負責拍攝，原本預計於2019年中開拍、並預定2021年上映三部曲中的第一部。可惜香港近月風雲色變，《鹿鼎記》首部曲，批文申請遞交半年卻遲遲未批，原因竟然是題材敏感攻打外族的內容而反而唔係情色不雅傷風敗俗，總之劇組停止無得開工，拍攝無期。

據知開拍計劃並未取消，只是無限期暫緩。對於傳聞彭浩翔向傳媒表示不作回應。彭浩翔作為香港本土電影的其中一個標志，有過好多出色的作品《大丈夫》,《低俗喜劇》、《志明與春嬌》等等都曾經和好多香港人同步，彭導出色的地方係本土化係「香港人」的身份同思維，當然我地都期望他日彭導有機會跳出香港仔的情懷，去駕馭心目中的「國際級」電影，不過呢幾個月過去，香港這個身份變得尷尬，但其實唔係身份的問題，反而係價值觀的問題，如果你認同中國內地式的處事作風，以意識形態去把弄權力，而非依法管治，咁我想你不是政見出問題，而是「個人」出了問題。

呢個情況，我認為不要再當護旗手了，回來香港共挽鹿車，我們一起當「護翔手」，撐彭浩翔，撐《鹿鼎記》，話哂19幾億大製作，我想睇下，請求中國政府重新考慮批左佢咪算囉，但我又想問，有19幾億製作費，點解一定要係中國拍？鹿死不擇蔭，如果係返香港或去馬拉、越南或冰天雪地烏克蘭拍得唔得呢？