2019年尾最受注目的True Wireless耳機肯肯定係蘋果AirPods Pro，但如果你唔係用蘋果手機，Android用戶又未必會用AirPods Pro，畢竟大把選擇，最近美國網上熱話係眾籌平台上大破紀錄的Padmate PaMu Slide，佢地網上集資超過5,000萬港元，又搵到NBA球星推介包括已退休的名將T-Mac麥基迪、Kyle Kuzma、Spencer Dinwiddie 、D.J. Augustin等等助推，最後仲真係成功推出海外網絡大賣，當然同其他全新耳機一樣論機能數據上樣樣都好過AirPods Pro小小，價錢都平一半，不過相信世上無野可以同蘋果產品比較，就算PaMu Slide可以用係iPhone身上，平靚正可能最多都係只能爭下第二把交椅。

Padmate能夠係眾籌網殺重重圍做集資之皇，自然有少少絕技，開發上PaMu Slide耳機請來Intel及Qualcomm兩大晶片巨頭參與，有雄厚的技術支援，所以連接穩定性、操作、音質等方面都力「吹」完美。首先用上是新的Qualcomm QCC3020晶片，採用高級LDS天線加藍牙5.0規格，新一代Qualcomm晶片提供智能降噪功能，配合設於機身上下兩邊的雙麥克風精準收集聲音，將風聲、車聲、周圍嘈雜的人聲都一一消減，並清晰收錄用家話音，大大提升通話質素，試一試可能超越公認通話質素最佳的AirPods。

而家D耳機廠數據上全部都要贏蘋果，PaMu Slide一次充電就可連續播放10小時，充電盒內置特大 2,000mAh 電量，能為耳機額外充電5次，總續航力達到 60小時，亦設快速充電功能，充10分鐘已可為耳機提供1個多小時電量。仲可以玩無線充電，將充電盒當無線充電器幫你手機叉電(要手機支援無線充電！)一物多用。

PaMu Slide採用6mm動圈單元，低音飽滿澎湃得來依然有明確線條，聲音細節豐富，人聲清晰動人，支援aptX高音質傳輸，配合Android手機將有更細緻表現，而TWS技術更大大減低訊號傳送時的延遲，睇片、打機效果更為出色。而通話表現更加是PaMu Slide最突出的一環，，PaMu Slide有黑、白同綠色三色選擇。最有玩味係個充電盒，滑動式開關面盒蓋觸感一流，耳機的設計橢圓形管道令耳機更貼合耳道，提升隔音效能及佩戴穩定性，更通過IPX6防水測試，不單只是慢跑，進行更劇烈的運動都不易鬆脫，亦不怕汗水、雨水損壞耳機，配合輕觸式按鈕，輕輕一觸便可調校音量、播放/暫停音樂、接聽電話，簡單直接。零售價$1,080如果以價論聲，應該係抵買

PaMu Slide主要規格

單元：6mm 動圈單元

藍牙規格：Bluetooth v5.0，支援aptX、SBC、AAC

續航時間：10小時（耳機）；60小時 （充電盒）

充電時間：1.5小時（耳機）；3小時 （充電盒）

 顏色：黑色、白色、綠色

 功能：USB Type-C 快速充電、雙向無線充電、IPX6防水機身、雙麥克風降噪功能

建議零售價$1,080

產品查詢：9889 0109 （Smart Concept Group Ltd）