電競世界可以話係目前世界嘅一大新產業，其潛力被外界一致睇好，因此唔少品牌都希望盡早投入其中，以搶佔最大份額。而繼Nike推出電競服裝後，另一運動品牌Puma亦率先推出電競鞋款，稱專為電競選手而設計的。

近日Puma於英國及澳洲首次推出電競專用鞋款「Active Gaming Footwear」，據官方消息指呢對電競鞋係為左電競選手於比賽活動及室內場地行走而設的，強調具備無縫嘅舒適感受，抓地及支撐腳部亦都非常足夠，令電競選手們可以於比賽期間發揮最佳表現。

對於今次Puma呢對鞋係咪真係可以有效提升電競選手嘅表現，唔少人都作出質疑，但有人就估計最有可能幫助嘅可能係玩VR或AR嘅遊戲。雖然目前電競鞋可能實際作用唔夠顯著，但隨住電競產業嘅發展，相信未來電競產品嘅市場絕對會越黎越大，因此率先搶灘對一眾品牌絕對有好處。

建議售價：80歐元