由1975年開始，黎自日本嘅「五色戰隊」系列，都真係陪伴左好幾代人成長。而黎到2020年，最新一輯「五色戰隊」：魔進戰隊煌輝者，將於今年3月登場作戰。

今次最新一輯「五色戰隊」：魔進戰隊煌輝者，係「五色戰隊」系列第44部作品，而主題將為寶石及交通工具。由於故事主題包含寶石嘅元素，所以今個系列各樣武器及戰隊機械人都將會閃閃發光。

而除左五位戰士外，相信大家較為關注嘅就係戰隊個五部「交通工具」，佢地將分別係：直升機、消防車、跑車、戰機以及鏟泥車。屆時五部「交通工具」勢必可以合體成超級機械人迎戰巨大化怪獸，但目前官方仍然未釋出合體機械人外型會係點。

其實有睇開「五色戰隊」嘅朋友，都大致估到故事內容都會係一樣嘅套路：怪獸出現>戰隊打敗怪獸>怪獸變大>戰隊機械人合體迎戰>擊敗大怪獸，只係周邊嘅主題略有不同。不過即使係咁，「五色戰隊」仍然深受觀眾歡迎，呢啲咪就係愛囉哈利。

睇番過去「五色戰隊」中真係出現過唔少經典戰隊，好似恐龍戰隊、忍者戰隊、百獸戰隊、海賊戰隊等等，唔知你又最鍾意邊一部呢？