2019係高達誕生40週年，同時又係Hello Kitty誕生45週年， 大家或者都留意到佢哋之前出嘅聯乘SD模型同宣傳影片。但原來個聯乘仲未完架，最新出嘅就有「高達 x Hello Kitty」超合金！

系列一共有兩款，分配係「高達塗裝嘅Hello Kitty」、同「馬沙專用渣古塗裝嘅Hello Kitty」，各自會附送小型嘅「阿寶」及「馬沙」Hello Kitty，更可以放入頭頂嘅駕駛艙；機體嘅眼睛亦有三種模式，四肢亦有一定可動性。話到明超合金出品，整體亦充滿厚實嘅金屬亮澤。預計於7月正式開售，售價為7480Yen(約HK$530)。