大家都知日本創作者們係好鍾意將一啲本來冇生命嘅嘢擬人化，整出一班或賣萌或性感或有型嘅俊男及美女，而適逢今年係東京奧運，「World-flags」上的一班畫師就將有份參加奧運的國家嘅國旗擬人化，變成一班充滿各國特色的男角！

唔好以為佢哋淨係畫幅畫出黎咁簡單，每個擬人化角色無論衣著、名字、人設都融合咗該國嘅特色。例如日本國旗擬人化之後叫「釜本」，係一名身穿日本傳統服飾、腰掛小太刀的劍侍，興趣係收集和傘。

一頭白髮、又名「朝鮮半島之虎」的「羽驅千孫」就係韓國太極旗，興趣係勁辣挑戰，唔鍾意食甜嘢。仲係防彈少年團、BigBang、Twice等韓團嘅Fans。

美國國旗係一個叫「駄須天（justin）嘅小正太，興趣係睇美式足球，仲識吹爵士單蔩管。

德國國旗叫外御流具（GEORGE），鍾意飲啤油食香腸，最叻打掃。

英國國旗宇位里阿夢（William），客觀冷靜的快槍手。

俄羅斯氷土流（Fedor）生存技巧奇高，但對於精細功夫不在行，來自冰天雪地嘅男子。

除咗人設，亦有漫畫及背景設定。2021年謎之宇宙生物「ブリガント」入侵地球，日本科學家「カマ・ヤマモト」開發出能夠於宇宙中活動作戰嘅「Flag Armor」，而200年之後，呢班「國旗男」就為咗對抗外星人而一齊訓練生活，更能細分成7大勢力。

其實呢次創作唔單單係為咗好玩，更希望讀者能夠透過作品，更簡單易明地記得參與奧運的各國特色。網站上每個角色的頁面亦會附上其代表國旗及國家的小資料，予教育與娛樂於一身呀真係！