武漢肺炎影響生活每一面，正逐漸浮現， 除左街頭見到執「紙」之手搶生活用品外，抗疫在家最好的運動伙伴《任天堂Switch》都開始受到打擊，二手價格日日升高，如果想入新貨，日本廠方開始大缺貨，係咪有一刻諗不如放棄身型高價變賣家中Switch換幾盒炒價口罩呢？

無論生活定工作學業以至生命，我地都深受威脅，上星期日本任天堂在官方網站刊出道歉聲明，聲明明確指出因為武漢肺炎（新型冠狀病毒）的疫情影響中國工廠的生產計劃，導致針對日本國內出貨的Switch、Joy-con等周邊商品都會延後出貨！而呢個前所未見的情況更首次登上日本正式新聞報導……引發日本台灣二手價格飆升。

其實飆升的又何止遊戲機，除左任天堂Switch，所有日常生活品都好像要被搶購一空，而情況其實說明一樣野，其實任天堂Switch唔止係一部遊戲機咁簡單，對好多人來講，原來已經係生活用品，身材救星。咁又係，開部電視打機，絕對好過睇到下流寄生族的新聞同記招。