雖然呢幾日天氣寒冷，但大家都知香港嘅冬天好快就完，亦意味住大家就黎要收埋啲厚衫，拎返啲薄褸出黎。咩話？你話你冇薄褸？而你咁啱又係高達Fans兼且鍾意著軍褸？咁你又點可以錯過STRICT-G同ALPHA INDUSTRIES嘅聯乘之作呢？

呢兩個品牌都唔係第一次合作，甚至上年年尾都已經出過MA-1，但今次出嘅係適合春季穿著嘅薄版。總共有兩個聯乘系列、四件產品，首先有與「MA-1：一年戰爭史」好明顯就係以一年戰爭為主，分為藍色嘅地球聯邦及綠色嘅自護公國款，採用雙面設計，一面有大量高達世界觀嘅繡章，另一面則比較簡潔，而且背面有血幅（Blood chit），亦即現實中空軍人員繡於衣服背後，以便被擊落或逼降後可以向語言不通的外國平民尋求協助嘅訊息——當然個訊息都係符合返高達世界觀啦。(售價35200Yen，約HK$2500)