講起「Jetmen」大家未必好陌生，大家亦應該睇過前瑞士空軍機師Yves Rossy，揹住對佢自己發明，基本上就係裝有渦輪引擎嘅碳纖機翼喺個天到飛嘅片！但近日杜拜皇儲Sheikh Hamdan bin Mohammed上載咗一條影片，睇落同之前嘅Jetmen片非常相似，但又有一個重大嘅不同，標誌人類距離真正飛上天又近咗一大步。

而呢個不同之處，就係片中嘅Jetmen Vince Reffet，係由地面起飛，低空略過杜拜灣區嘅海面，再直衝上天。以往嘅Jetmen雖然都能夠喺天空飛，但起飛時必須先由直升機帶到某一個高度，飛行時亦必須保持一定高度，Yves Rossy甚至曾經認為喺50米以下高度飛行係唔可能。而今次就係歷史上第一次成功自地面起飛，再用8秒略過100米水面，總長3分鐘航程中最高達到海拔1800米，最高速達260km/h，一次飛行最遠可以到達55公里以外。

在 Instagram 查看這則貼文

Fazza（@faz3）分享的貼文 於 PST 2020 年 2月 月 17 日 上午 3:33 張貼

是次飛行由預計10月於杜拜舉行嘅2020世界博覽策劃，Vice Reffet及Fred Fugen主導，元祖Jetman Yves Rossy亦有提供協助，標誌人類距離「識飛」又近咗一大步——但你又唔好諗住過幾年就可以飛返工喎，因為就算唔講錢，要操控對翼都要經過長期訓練，而且上去就飛，落黎係降落傘，即係就算你飛到返工，放工要拎埋對翼搭巴士喎！