數碼暴龍雖然即將迎來大電影完結篇《數碼暴龍大冒險 Last Evolution 絆》，但原來呢個並唔係終結，因為最新嘅數碼暴龍動畫將於今年4月啟播。

全新嘅數碼暴龍故事《數碼暴龍大冒險Ψ》可以話係舊酒新瓶，因為故事以1999年面世嘅《數碼暴龍01》原班角色登場，即係太一、大和、亞古獸、加布獸等全部回歸，不過故事背景及發展將完全不同。

從最新的宣傳片中可以睇到，全新嘅《數碼暴龍大冒險Ψ》將與現實接軌，好似動畫中將出現智能電話、平板電腦等現代科技，唔知大家仲記唔記得當年光子郎都仲用緊較厚身嘅Notebook同有天線嘅摺機呢?

另外，故事當中主角們嘅暴龍機亦有新設定，就係由過去按鍵變成Touch Mon，都係個句與現實接軌啦。