【台灣電影】移民美國的故事Netflix華裔家庭愛恨交纏《虎尾》

作為一個電影迷近期肯定係最難過又最勤奮的歲月，戲院全關代表無新戲睇，但多左時間在家又肯定多左煲戲，難得Netflix願意投資於電影，拍新片畀影迷，而且仲要係不限於主流商業大作，嚟緊4月10日有部台灣電影新作，非常「台式」小品，由荷里活曾以《不才專家》（Master of None）奪得艾美獎喜劇類最佳劇本獎的華裔編劇楊維榕創作，講移民家庭親情生活大作叫《虎尾》。似乎移民係華裔社會的人特別嚮往嘅故事，走得的好像都好想走人，但成功到達彼岸又會有另一個唏噓、孤獨尋找他鄉的故事，創作的楊維榕美國長大，曾幾何時一度唔承認自己亞裔的身份，後來慢慢回到故鄉「台灣」又再尋根，拍出呢個橫跨將近 70 年的人生故事，道出台灣和美國兩地的時代更替。

其實無論「台灣人」、「香港人」每個人都有故鄉和「家」，世界一路變更最可怕未必係移民後無法融入當地心中一輩子想著家，而是從來沒有離開的人發覺自己地方一天天改變，成為別人的家，「家」不成「家」無離鄉卻成為異鄉人。

講返呢部Netflix電影《虎尾》劇情描述已經離婚獨居的品瑞（李鴻其飾演），小時候住係台灣曾一度由外婆照顧，長大之後為左一家過舒適的好生活，決定離開青梅竹馬的阿媛（少女 方宥心 飾 | 老年 陳沖 飾），迎娶廠長個女兒真真，到美國移民感受「留美」是生活。從此，就過住人在外辛苦但安穩的異鄉日子。然而，破碎的親情關係讓年老的品瑞同佢的女兒（葛曉潔飾演）始終無法好好相處，他們將發現，唯有透過打開心窗並擁抱彼此的生活歷程，才能對過去的衝突釋懷。

簡單講就係一部台灣人移民美國後同下一代之間的家鄉親情劇，肯定唔係咩野主流大片，但Netflix肯花心機時間金錢投資，讓少數熱愛電影喜歡深度的小眾影迷都有選擇的機會。有權選擇就是皇道，所以我會期待台灣電影《虎尾》，因為我撐「台灣」、撐Netflix，撐「香港」，我選擇在家抗疫幫襯自家黃店叫外賣睇住電影做抗疫的事。